Acceso a cursos distintos de primeiro - CMUS Manuel Quiroga, Pontevedra

SOLICITUDE DE PROBA DE ACCESO

O PRAZO PARA SOLICITAR PROBA DE ACCESO A 2º, 3º, 4º DE GRAO ELEMENTAL E 2º, 3º, 4º, 5º, E 6º DE GRAO PROFESIONAL SERÁ do 7 ao 30 de abril de 2025.

De ser o caso, as probas realizaríanse entre o 13 e o 19 de xuño de 2025.

*Son probas extraordinarias e non saen prazas ofertadas en todos os instrumentos.

Poden consultar un calendario resumido do proceso no seguinte enlace: enlace ao calendario

PASOS PARA SOLICITAR PRAZAS PARA AS PROBAS:

1) Acceder ao enlace que estará dispoñible aquí a partir do 7 de abril.

2) Encher a folla de inscrición cos datos requeridos.

3) Imprimir ou descargar o resgardo de preisncrición e envialo ao enderezo cmus.pontevedra@edu.xunta.gal, ou entregalo presencialmente na secretaría do centro (de 9 a 14 horas) antes das 14 horas do mércores 30 de abril

No asunto da mensaxe debedes facer constar a palaba “Acceso” e o nome do aspirante.

PRAZAS OFERTADAS

Unha vez acabado o prazo, estudaranse as solicitudes e a dispoñibilidade de prazas no centro. A publicación de vacantes (prazas que se ofrecerán por instrumento e curso) publicaranse previsiblemente o 12 de maio

PASOS PARA MATRICULARSE PARA AS PROBAS DE ACCESO:

No caso se que se ofertara a vacante solicitada, e siga interesado en presentarse á proba, deberá formalizar a matrícula para a proba de acceso do 12 ao 19 de maio ás 14h. A matrícula pode facerse presencialmente na secretaría (en horario de mañá) ou por correo electrónico (no cmus.pontevedra@edu.xunta.gal). A documentación que hai que entregar é a seguinte:

Se solicitou para a proba a Grao Elemental:

Copia do DNI do alumno
Autorización para a gravación da proba asinada polo pai/nai/titor (achégase modelo no seguinte enlace: enlace á autorización )

Poden envialo por mail (no cmus.pontevedra@edu.xuntal.gal). No asunto da mensaxe debedes facer constar a palaba “Acceso” e o nome do aspirante.

Se solicitou para a proba a Grao Profesional:

Copia do DNI do alumno
Autorización para a gravación da proba asinada polo pai/nai/titor (achégase modelo no seguinte enlace: enlace á autorización )
Xustificante de pagamento de dereitos de exame. Achegamos un titorial de como realizar o pago: Acceso profesional

Poden envialo por mail (no cmus.pontevedra@edu.xuntal.gal). No asunto da mensaxe debedes facer constar a palaba “Acceso” e o nome do aspirante.

TRIBUNAIS DAS PROBAS DE ACCESO

A lista de inscritos ás probas e os tribunais publicaranse o 23 de maio

CRITERIOS PARA A REALIZACIÓN DAS PROBAS

En vindeiras datas poderán consultar aquí, resumida, a información e criterios de acceso para as distintas especialidades e cursos. Mentras poden consultar a información máis detalla nas distintas programacións didácticas publicadas nesta web: https://conservatoriomanuelquiroga.gal/web/programacions/

INFORMACIÓN XERAL DAS PROBAS DE GRAO ELEMENTAL (2º – 4º curso)

O acceso ao grao elemental está limitado a rapaces de entre 8 e 14 anos cumpridos ou a cumprir no ano natural.

O acceso a cursos distintos de primeiro será a partir dunha proba que constará de dous exercicios, que terán carácter eliminatorio e consistirán en:

Interpretación, no instrumento da especialidade á que se opte, de dúas obras de libre elección e unha obra ou exercicio a primeira vista proposto polo tribunal.
Exercicio teórico-práctico para avaliar os coñecementos de linguaxe musical.

Cada un dos exercicios cualificaranse de 1 a 10 e cumprirá unha cualificación mínima de 5 puntos para superar cada un. A puntuación definitiva da proba será unha media ponderada do seguinte xeito:

Proba de interpretación instrumental: 60%
Proba de linguaxe musical: 40%

Os contidos, criterios de avaliación así como os listados orientativos das obras poden consultarse nas programacións didácticas dos distintos departamentos que se atopan nesta web: https://conservatoriomanuelquiroga.gal/web/programacions/

As probas realizaranse entre o 13 e o 19 de xuño de 2025 e só dá dereito a matricularse no correspondente curso académico e no centro no que se realizou a proba de acceso.

Os aspirantes disporán dun máximo de dúas convocatorias para acceder a outro curso distinto de primeiro.

IMPORTANTE

O aspirante deberá presentarse co seu DNI ou documento fidedigno que acredite a súa identidade e as partituras orixinais das obras que interprete, no horario no que estea convocado.

ACLARACIÓNS:

ACOMPAÑAMENTO MUSICAL: No caso de que a obra a interpretar requira acompañamento, éste deberá ser aportado polo aspirante.

PARTITURAS: Será necesario traer os orixinais.

INFORMACIÓN XERAL DAS PROBAS DE GRAO PROFESIONAL (2º – 6º curso)

Estas probas estrutúranse en dúas partes:

Proba de carácter práctico que avalía a interpretación instrumental.
Proba que avalía os coñecementos teóricos e prácticos tendo en conta a distribución das materias correspondentes a cada especialidade instrumental nos diferentes cursos do grao profesional.

Cada un dos exercicios cualificaranse de 0 a 10 e cumprirá unha cualificación mínima de 5 puntos para superar cada un. A puntuación definitiva da proba será unha media ponderada do seguinte xeito:

Proba de interpretación instrumental: 70%
Proba teórico-práctica: 30%

As puntuacións definitivas obtidas polo alumnado será unha cualificación numérica de 0 a 10. A puntuación final media, así calculada, será como mínimo de 5 puntos para poder superar a proba.

De ser igual a cualificación, desempatarase pola puntuación obtida na proba de interpretación do instrumento.