IV Concurso de Piano CMUS Manuel Quiroga (edición 2026)

IV CONCURSO DE PIANO CMUS MANUEL QUIROGA

Desde o Departamento de Tecla do Conservatorio Profesional de Música “Manuel Quiroga” de Pontevedra convocamos o IV Concurso de Piano CMUS Manuel Quiroga, que terá lugar no noso conservatorio.

Poderán participar no concurso todos aqueles estudantes matriculados no presente curso nas escolas de música e conservatorios galegos.

O concurso desenvolverase nunha única fase no auditorio do Conservatorio Profesional “Manuel Quiroga” de Pontevedra os días 3 e 4 de xuño de 2026.

CATEGORÍA A
Intérpretes ata 9 anos*. Proba única. Interpretación de memoria dun repertorio libre, que inclúa polo menos 2 obras de estilos ou períodos diferentes. (Duración máxima de 10 minutos). Aceptaranse movementos separados de sonatas, suites ou ciclos de pezas.
CATEGORÍA B
Intérpretes ata 11 anos*. Proba única. Interpretación de memoria dun repertorio libre, que inclúa polo menos 2 obras de estilos ou períodos diferentes. (Duración máxima de 10 minutos).
Aceptaranse movementos separados de sonatas, suites ou ciclos de pezas.
CATEGORÍA C
Intérpretes ata 14 anos*. Proba única. Interpretación de memoria dun repertorio libre, que inclúa polo menos 3 obras de estilos ou períodos diferentes. (Duración máxima de 15 minutos).
Aceptaranse movementos separados de sonatas, suites ou ciclos de pezas.
CATEGORÍA D
Intérpretes ata 18 anos*. Proba única. Interpretación de memoria dun repertorio libre, que inclúa polo menos 3 obras de estilos ou períodos diferentes. (Duración máxima de 20 minutos).
Aceptaranse movementos separados de sonatas, suites ou ciclos de pezas.
*Idade cumprida a día 31 de decembro de 2025.

INSCRICIÓNS

As inscricións realizaranse desde o 7 de abril ao 17 de abril de 2026, ambos inclusive, cumprimentando o boletín de inscrición dixital.
Deberanse achegar a Declaración de conformidade e a Autorización para o tratamento de imaxes, cumprimentadas e asinadas.

O día 15 de maio publicarase na páxina web do conservatorio a lista de participantes admitidos e os horarios para a realización do concurso en cada categoría.