[21/3/2024] O CMUS Profesional Manuel Quiroga de Pontevedra, centro pertencente á Rede de Escolas Galegas Asociadas á UNESCO, celebrou este xoves 21 de marzo a benvida á primavera, coa plantación de catro árbores nos xardíns do conservatorio: capudre, árbore do amor, pradairo e faia.
Deseguido, dúas alumnas, en representación do alumnado do centro, pronunciaron unhas palabras, salientando que as árbores “crecerán e axudarán a lembrarnos do noso paso polo centro, e das nosas mellores vivencias musicais”.
Como broche final, o evento contou coa actuación dun coro de voces de alumnado de 3º de Grao Elemental, dirixido por Nanette Sánchez, que cantaron tres pezas populares: A raíz do toxo verde, Tres hojitas madre e Cucú.
Capudre
Árbore do Amor
Pradairo
Faia
Día da Árbore no CMUS Manuel Quiroga
Actuación do alumnado de 3º Grao Elemental
Vídeos: proximamente
