[24/3/2025] O Coro II, que dirixe Nanette Sánchez, participou no encontro de Coros organizado dende o CMUS Superior de Vigo, xunto co Coro do CSMVigo, dirixido por Amalia Guerrero, a quen agradecemos a súa invitación para participar nesta experiencia onde as formacións interpretaron un programa de obras de distintos compositores e estilos e puidemos desfrutar coas voces dos dous coros. Nun concerto no cal as formacións se uniron para interpretar xuntas Summertime de George Gershwin.
O Coro II interpretou as obras Lela (R. Mato Hermida/arr. Nicanor Domínguez), Stand by me (J. Leiber, M. Stoller/ arr. Mac Huff), A raíz do toxo verde (popular/ arr. Pablo Neva), City of stars (J. Hurwitz/ arr. Jay Althouse), Paxariños que voades (tradicional/ arr. Xaime Estévez), Viva la vida (J. Buckland, W. Champion, Ch. Martin/ arr. Mark Brymer), Catro vellos mariñeiros (popular/ arr. Miguel Groba) e Dancing queen (B. Ulvaeus, S. Anderson/ arr. Roger Emerson), co acompañamento ao piano de Mario Grau.
Pola súa banda, o Coro do CSMVigo interpretou as obras Abide with me (W. Monk), Come again! (Dowland), Locus iste (Bruckner), Lully, Lulla, Lullay (Philip Stopford), Kyrie (John Leavitt) e After the wind (Nicholas Ryan Kelly), co acompañamento ao piano de Mirta Arribas Blanco.
Accede aquí ao programa do concerto
Os nosos agradecementos a todo o alumnado participante e ao noso pianista Mario Grau polo gran traballo realizado.
GALERÍA DE IMAXES
