Proxecto Erasmus+ KA122-VET
CMUS Profesional de Música Manuel Quiroga – Pontevedra
O CMUS Profesional de Música Manuel Quiroga de Pontevedra abre convocatoria para a selección de profesorado participante nas mobilidades do Proxecto Erasmus+ KA122-VET (2025-1-ES01-KA122-VET-000330329), aprobado polo Servizo Español para a Internacionalización da Educación (SEPIE).
1. Obxecto da convocatoria
Seleccionar profesorado do centro para participar en mobilidades de aprendizaxe por observación (job-shadowing) en institucións europeas, co obxectivo de:
- reforzar a internacionalización do centro,
- incorporar metodoloxías pedagóxicas e artísticas innovadoras,
- mellorar as competencias lingüísticas e interculturais do profesorado,
- favorecer a transferencia de boas prácticas ao conxunto da comunidade educativa.
2. Destinatarios
Poderá participar nesta convocatoria o profesorado en activo do CMUS Profesional de Música Manuel Quiroga, con independencia da súa especialidade, materia ou función docente.
3. Número, duración e destino das mobilidades
- Número de prazas: ata 7 mobilidades de job-shadowing
- Duración: 5 días de actividade (máis os días de desprazamento que resulten necesarios)
- Destinos: institucións europeas (entre elas Alemaña e Portugal)
Os destinos concretos e os centros de acollida confirmaranse posteriormente, en función do perfil do profesorado seleccionado e da dispoñibilidade das institucións socias.
4. Requisitos
Para poder participar nesta convocatoria será necesario:
- Ser docente en activo do centro, xa sexa:
- funcionario/a con destino definitivo,
- funcionario/a desprazado/a,
- ou persoal interino con interinidade completa durante o curso académico correspondente.
- Comprometerse a participar en todas as fases do proxecto:
- preparación,
- mobilidade,
- avaliación,
- difusión e transferencia de resultados.
📌 No caso de que, no momento da realización das mobilidades, a persoa seleccionada xa non forme parte do claustro de profesorado do centro, procederase á selección da seguinte persoa candidata viable da listaxe de reserva, respectando a orde de puntuación.
5. Criterios de selección e baremo
A selección realizarase mediante baremo, cun máximo de 100 puntos, atendendo aos seguintes criterios:
A. Situación administrativa e vinculación co centro (ata 30 puntos)
- Funcionario/a con destino definitivo no centro: 15 puntos
- Antigüidade con destino no centro:
- Máis de 10 anos: 15 puntos
- Entre 5 e 10 anos: 10 puntos
- Entre 1 e 4 anos: 5 puntos
- Menos de 1 ano: 2 puntos
B. Experiencia internacional e participación previa (ata 20 puntos)
- Non ter participado previamente en proxectos Erasmus+ ou outros programas internacionais:
15 puntos (criterio de inclusión) - Ter participado previamente en programas internacionais:
- Participación non recente ou pouco reiterada: ata 10 puntos
- Participación recente (últimos 3–4 anos): ata 5 puntos
C. Competencia lingüística e comunicativa (ata 20 puntos)
- Uso funcional do inglés e/ou da lingua do país de destino (alemán, portugués): ata 10 puntos
- Formación acreditada en idiomas (non excluínte): ata 5 puntos
- Motivación para mellorar a competencia lingüística: ata 5 puntos
D. Adecuación do perfil profesional e capacidade de transferencia educativa (ata 20 puntos)
- Relación entre a especialidade, materia ou función docente e os obxectivos do proxecto: ata 10 puntos
- Calidade, coherencia e viabilidade da proposta de transferencia das aprendizaxes ao centro, valorando especialmente:
- a aplicación de metodoloxías, recursos ou enfoques innovadores,
- a integración das aprendizaxes en contextos individuais, colectivos ou transversais, segundo a natureza da docencia,
- a participación en accións de difusión, formación interna ou traballo colaborativo co resto do profesorado.
ata 10 puntos
📌 A valoración realizarase atendendo á proposta presentada, con independencia do tipo de docencia impartida.
E. Motivación e impacto esperado (ata 10 puntos)
- Carta de motivación (extensión máxima: 300 palabras), na que se valorará:
- o interese pola mobilidade,
- o compromiso co proxecto Erasmus+,
- o impacto esperado no centro.
5 bis. Comisión de valoración
A valoración das solicitudes presentadas, incluída a aplicación do baremo, a avaliación das cartas de motivación e das propostas de transferencia educativa, será realizada polo Equipo Erasmus+ do CMUS Profesional de Música Manuel Quiroga, coa supervisión da Dirección do centro.
O proceso de valoración realizarase de maneira colexiada, garantindo os principios de obxectividade, transparencia, igualdade de oportunidades e non discriminación, de acordo coas normas de calidade do programa Erasmus+.
No caso de que algunha das persoas integrantes do Equipo Erasmus+ presente solicitude para participar nas mobilidades, absterase de intervir na valoración da súa propia candidatura, co fin de evitar calquera conflito de intereses.
6. Principio de inclusión
O principio de inclusión aplicarase favorecendo a participación de docentes con menor experiencia internacional previa, garantindo un reparto equitativo das oportunidades formativas dentro do claustro.
7. Prazo e forma de presentación
- Prazo de presentación de solicitudes:
Do 2 de Febreiro de 2026 ao 16 de Febreiro de 2026 (15 días naturais). - Forma de presentación:
Mediante a cumprimentación do formulario de solicitude en liña, dispoñible na páxina web do centro.
8. Resolución
- Publicación da listaxe provisional de persoas seleccionadas o día 20 de febreiro de 2026
- Prazo de alegacións: do 23 ao 25 de Febreiro (3 días hábiles)
Publicación da listaxe definitiva o 26 de Febreiro de 2026